Ons kliënt, ’n vloot diensmaatskappy met meer as 40 jaar se ervaring in die logistieke-, vervoer- en kommersiële voertuigbedryf, wat spesialiseer in die voorsiening en instandhouding van alle vragmotors en sleepwaens, is tans op soek na ’n dinamiese en praktiese kandidaat vir die volgende posisie:

DIESELWERKTUIGKUNDIGE
UPINGTON

Vereistes:

-   Rooi seel Dieselwerktuigkundige kwalifikasie met minimum 3 jaar ondervinding as Dieselwerktuigkundige, asook ondervinding met sleepwa herstelwerk.

-   Akkurate werkvermoë met uitstekende aandag aan detail is noodsaaklik.

-   Goeie beplanning- en organiseringsvermoë.

-   Geldige kode 14 bestuurslisensie (insluitend PDP)

-   Moet bereid wees om roterende bystandsdienste te verrig.

Sleutelverantwoordelikhede:

-   Voertuig onderhoud en dienswerk.

-   Onderhoud en herstelwerk van sleepwaens.

-   Fout-diagnose en herstelwerk op verskeie voertuigstelsels en komponente uitvoer.

-   Verwyder, evalueer, herstel en vervang enjins en differensiale.

-   Toets, diagnoseer en herstel lugremstelsels en veringkomponente.

-   Verwyder, evalueer, herstel en vervang transmissies en koppelaarstelsels.

-   Wielsporing op verskeie voertuie kan uitvoer.

-   Diagnoseer, verwyder, evalueer, herstel en vervang dieselbrandstofstelsels en komponente.

-   Diagnoseer, evalueer en herstel verkoeling-stelsels en komponente.

-   Diagnoseer, evalueer, verwyder en vervang turbo-aanjaerstelsels en komponente.

-   Diagnoseer hidrouliese stelselkomponente, evalueer, herstel en vervang.

-   Verseker nakoming van Gesondheid- en Veiligheidsmaatreëls.

’n Onderhandelbare vergoedingspakket, gebaseer op kwalifikasies en ondervinding, word aangebied.

Om aansoek te doen, stuur CV met verwysing JDWL na recruitment@ovdm.co.za voor 22 Mei 2026.