Posbenaming: Kantoor- en Portefeulje-Assistent

Dienstipe: Voltyds, Permanent

Standplaas: Pretoria-Oos / Rayton-streek

Oor die Pos

Sleutelpligte en Verantwoordelikhede

1. Administrasie & Finansiële Ondersteuning:

• Algemene kantooradministrasie, bemarkingsfunksies en klerklike ondersteuning.

• Basiese boekhouding, kostebestuur en die prosessering van finansiële dokumentasie (fakture, kwitansies en bankrekonsiliasies) vir aangewese sakeportefeuljes (insluitend die konstruksiesektor).

2. Fasiliteitsbestuur & Logistieke Bystand:

• Instandhouding: Verantwoordelik vir die periodieke skoonmaak, netjieshou en organisasie van aangewese fasiliteite en geassosieerde eiendomme.

• Logistiek en ad-hoc take: Hantering van praktiese take, wat insluit algemene huishoudelike koördinering op die perseel, afhaal of verkryging van pakkies of inkopies, en ad-hoc bystand/logistieke sorg (insluitend skool of kindersorgbystand indien en wanneer vereis).

Vereistes en Profiel

• Vaardighede: Goeie rekenaarvaardigheid en ’n akkurate aanvoeling vir basiese boekhouding en syfers.

• Gesindheid: Uiters prakties ingestel met die ingesteldheid dat geen taak te klein of minderwaardig is nie. Hardwerkend en akkuraat, of die werk voor ’n rekenaar of tydens fisiese fasiliteitsbestuur plaasvind.

• Eienskap: Hoogste vlak van diskresie, betroubaarheid en die vermoë om selfstandig te werk sonder konstante toesig.

• Taalvaardigheid: Uitstekende kommunikasievaardighede in Afrikaans en Engels (beide mondeling en skriftelik).

• Logistiek: In besit van ’n geldige Suid-Afrikaanse bestuurderslisensie en betroubare eie vervoer.

Vergoeding

• Markverwante vergoeding afhangend van vaardighede en agtergrond.

Mense wat nie moet aansoek doen nie:

• Persone wat slegs ’n formele, uitsluitlike korporatiewe kantoorpos soek.

• Persone wat huiwerig is om fisiese skoonmaakwerk of ad-hoc praktiese take te verrig.