Hierdie gevestigde Landbou Groep beskik oor ‘n beroepsgeleentheid vir ‘n gekwalifiseerde en ervare kandidaat om by hul suksesvolle tegniese span aan te sluit.

ELEKTRISIËN

UPINGTON OMGEWING

Vereistes:

• Geldige Rooi Seël-kwalifikasie as Elektrisiën met minimum 5 jaar soortgelyke ondervinding, in ʼn produksieomgewing met landbou agtergrond as aanbeveling.
• Praktiese ervaring op ʼn voedsel-produksielyn sal as voordeel dien.
• Geldige Bedradingslisensie
• Ervaring in verkoeling en sonkrag sal voordelig wees.
• Goeie kennis van elektriese standaarde en veiligheidsprosedures.
• Sterk foutopsporingsagtergrond.
• Fisies fiks en in staat om op hoogtes en in uitdagende omgewings te werk.
• Vermoë om onafhanklik sowel as deel van ’n span te werk.
• Uitstekende kliëntediensvaardighede met bogemiddelde menseverhoudinge en kommunikasievaardighede.
• Vermoë om mense te bestuur, spanne saam te stel en prestasie te dryf.
• Projekbestuursvaardighede met die vermoë om binne begroting en sperdatums te werk.
• Geldige bestuurslisensie.
• Bereidheid om ongereelde ure te werk.

Pligte sluit in:

• Installasie, instandhouding en herstelwerk van elektriese-, sonkrag- en verkoelingsisteme
• Inspeksie en toetsing van elektriese komponente en bedrading vir projekte.
• Probleemoplossing en foutsporing op sonkrag- en elektriese stelsels.
• Bestuur van spanne op terrein en toesig oor projekuitvoering.
• Opleiding en ontwikkeling van ondergeskiktes volgens maatskappy doelwitte en opleidingsprogramme.
• Alle ander pligte soos van die pos vereis en deur bestuur bepaal.

Daar word ’n mededingende vergoedingspakket aan die pos gekoppel.

Stuur CV met verwysing MVEU na recruitment@ovdm.co.za teen nie later as 16 Maart 2026 nie.