Hierdie gevestigde Tafeldruif & Sitrus boerdery wat spesialiseer in die produsering van vrugte vir die uitvoer mark, beskik oor die volgende gelyke indiensneming geleentheid vir ‘n dinamiese, selfgedrewe persoon in die volgende pos:  

PRODUKSIEBESTUURDER TAFELDRUIWE

KAKAMAS OMGEWING

Vereistes:

-        Aansoeke word ingewag van persone wat oor goeie bestuursvaardighede beskik, ondersteun deur minimum 5 jaar toepaslike ondervinding in die verbouing van tafeldruiwe.

-        Goeie kennis van werwing, motivering en opleiding van arbeid vir die uitvoer van produksie-aktiwiteite en voorbereiding van tafeldruiwe.

-        Goeie menseverhoudinge, kommunikasievaardighede met Tswana taalvaardigheid wat in u guns sal tel.

-        Basiese rekenaarvaardighede.

-        ‘n Landbou kwalifikasie en besit van bestuurderslisensie.

Pligte sal onder meer behels:

-        Gesamentlike bestuur van produksie eenheid in koördinering met senior produksiebestuurder, wat insluit alle aspekte van arbeids, pakhuis-, tegniese-, besproeiing-, bemesting en gehaltebestuur.

Daar sal voorkeur gegee word aan kandidate uit voorheen benadeelde gemeenskappe.

Daar word ’n onderhandelbare vergoedingspakket aan die pos gekoppel volgens kwalifikasie en ondervinding.

Stuur u volledige CV met verwysing MAJT voor 27 Februarie 2026 aan recruitment@ovdm.co.za

Indien u nie binne drie (3) weke na die sluitingsdatum  gekontak word nie, kan u aanvaar dat u aansoek onsuksesvol was.