Ons kliënt, is 'n verpakker van sitrusvrugte wat hoofsaaklik vir die uitvoermark bestem is. Die verpakkingsaanleg is in die Citrusdal-omgewing geleë. Die maatskappy het 'n vakature vir 'n nuutgeskepte rekenmeester pos. Die suksesvolle kandidaat sal die finansiële direkteur assisteer deur verantwoordelikheid te neem vir die daaglikse administratiewe en finansiële pligte van die maatskappy se bedrywighede.

ROL & HOOFVERANTWOORDELIKHEDE

• Bestuur alle rekeningkundige transaksies (hoofsaaklik bank-, debiteure-, krediteure- en bestuursrekeninge)
• Werk saam met die finansiële direkteur en bestuur om begroting en teikenvoorspellings voor te berei
• Assisteer met die voorbereiding van bestuursrekeninge (balansstaat, wins en verlies)
• Bestuur kontantvloei
• Rekonsilliasie van bank-, krediteure- en debiteurerekeninge
• Kontroleer bankbetalings, bates en voorraad
• Verwerking van belasting-, BTW-, SDL-, WVF- en LBS-betalings en -opgawes vir elektroniese indiening
• Berei balansstaatrekonsilliasies voor
• Bepaal en implementeer kosteberekeningsprosedures en -metodes
• Beplan, organiseer en voer finansiële take uit soos vereis deur bestuur
• Verseker dat effektiewe interne beheermaatreëls in plek is en verseker voldoening aan GAAP en toepaslike regulatoriese voorskrifte en reëls vir finansiële- en belastingverslagdoening