Administratiewe Beampte (Rayton)

Posisie Oorsig

Die Administratiewe Beampte is verantwoordelik vir die gladde en doeltreffende daaglikse bedryf van die kantoor in Rayton. Hierdie rol vereis uitstekende organisatoriese vaardighede, die vermoë om onafhanklik te werk, en 'n professionele interaksie met kliënte en verskaffers. 

LW. Die pos is vir algemene administratiewe funksies wat verrig word.  Die onderstaande is wat algemeen verwag kan word, maar omvat nie noodwendig alle verantwoordelikhede nie.

Sleutel Verantwoordelikhede

• Finansiële Administrasie:

  • Hanteer alle fakturering, insluitend die opstel en verspreiding van fakture en kredietnotas.

  • Voer daaglikse kontantopnames en rekonsiliasies uit.

  • Bestuur die debiteure funksie, insluitend die opvolg van agterstallige rekeninge.

• Kantoorbestuur:

  • Handhaaf 'n georganiseerde argief- en dokumentbestuurstelsel.

  • Bestel en bestuur kantoorbenodigdhede en skryfbehoeftes.

  • Dien as die primêre ontvangs- en telefoonbeantwoordingspersoon.

• Logistieke en Ondersteuningstake:

  • Bestuur en koördineer alle eksterne administratiewe take wat vervoer vereis (bv. bankbesoeke, poskantoorlopies, afhaal/aflewering van dokumente by verskaffers).

  • Help met die opstel van verslae en aanbiedings.

  • Ondersteun bestuur met ad-hoc administratiewe take.

• Kliëntekommunikasie:

  • Hanteer professioneel alle inkomende e-posse en telefoonnavrae.

  • Dit kan ook terrein besoeke behels saam met die eienaar.

Kardinale Vereistes

• Eie Vervoer: Die kandidaat moet oor 'n betroubare eie voertuig en geldige rybewys beskik.

• Tegniese Vaardigheid: Goeie vaardigheid in die Microsoft Office Suite (veral Excel en Word).

• Ervaring: Vorige ondervinding in 'n finansiële of administratiewe rol sal positief wees.